Азербайжандын президенти Илхам Алиев Бишкектеги Чыңгыз Айтматовдун үй-музейине барды. Бул тууралуу Илхам Алиевдин соцтармактагы баракчасына жарыяланды.
Атактуу жазуучу Чыңгыз Айтматовдун баласы Элдар Айтматов ардактуу мейманды жазуучунун жашаган үйү, дүйнөгө атагы чыккан чыгармаларын жазган иш бөлмөсү, музейи менен тааныштырды. Бул жолугушууга атактуу жазуучунун карындашы Роза Айтматова да катышты.
«Атам Гейдар Алиев айткандай, Чыңгыз Айтматов кыргыз элинин гана эмес, бүткүл түрк дүйнөсүнүн да сыймыгы. Чыңгыз Айтматовдун чыгармаларын жаңыча которуп, кайра чыгаруу менен дүйнөнү, табиятты, адам табиятын дагы терең түшүнүүгө болор эле», — деди президент.
Ошондой эле Элдар Айтматов Илхам Алиевге «Чыңгыз Айтматов» атындагы ордендин алгачкысын тапшырды. Ушундан кийин Илхам Алиев да көп жылдар мурда Азербайжандын «Достук» ордени биринчи жолу Чыңгыз Айтматовго тапшырылганын эскерди.
Жолугушууда төрт жылдан соң, атактуу жазуучунун 100 жылдыгы белгилене тургандыгы, ага болгон даярдыктар тууралуу да сөз болду.
Эске сала кетсек, Бишкекте Түрк мамлекеттер уюмунун саммити өтүп жатат. Азербайжандын президенти ошол саммитке катышууга келген. Иш-чаранын соңунда ар кандай документтерге, анын ичинде жыйынтыктоочу декларацияга кол коюлат.
ЖК депутаты Гүлшаркан Култаева Маданият министрлиги Чынгыз Айтматов жөнүндө айткан Сыймык Жапыкеевдин аракеттерине юридикалык баа …
Президент Садыр Жапаров “Чыңгыз Айтматовдун туулган күнүнүн 100 жылдыгына арналган мааракелик иш-чараларды өткөрүү жөнүндө” жарлыкка …
Чыңгыз Айтматов проспектисиндеги кызыл сызыктан өтүп курулган имараттар буздурулат. Бул тууралуу президенттин Иш башкармалыгынын жетекчиси …
Бишкек шаарынын Чыңгыз Айтматов проспектисиндеги кооптулуулук жараткан 1600 түп терек кыйылат. Бул тууралуу Бишкек шаарынын …
Атактуу жазуучу Чыңгыз Айтматовдун бир тууган иниси, техника илимдеринин доктору, академик Илгиз Айтматов 27-августтун таңында …
Президент Садыр Жапаров жана Азербайжан Республикасынын Президенти Ильхам Алиев 24-апрелде, Баку шаарында улуу кыргыз жазуучусу …
