Бүгүн, 20-августтан тарта Бишкекте автобус жана троллейбустарда накталай акча кабыл алынбайт.
Мэриядан билдиришкендей, санариптештирүү жана шаардык коомдук транспортту жакшыртуу боюнча комплекстүү кадамдардын алкагында 2020-жылдын март айынан бери швейцариялык BPC KG компаниясы борбор калаада «Тулпар» электрондук билеттерин сатуу долбоорун ишке ашырууда.
Жарандардын электрондук төлөмгө ыңгайлуу жана кыйналбай өтүүсү үчүн система эки жыл ичинде акырындык менен ишке киргизилген.
«Эми үстүбүздөгү жылдын 20-августунан тарта муниципалдык транспортто жол киреге накталай акча кабыл алынбайт. Атайын акция боюнча жүргүнчүлөр стандарттык транспорттук картаны айдоочулардан 30 сомго сатып алса болот», — деп белгилешти муниципалитеттен.
Жүргүнчүлөр үчүн накталай эмес төлөм ыкмаларынын төмөнкү жолдору сунушталат:
— үч категориядагы «Тулпар» транспорттук карталары (стандарттык, мектептик, жеңилдетилген);
— Кыргызстандын бардык банктарынын Visa жана Элкарт контактсыз карталары;
— Виртуалдуу NFC картасы;
— Тулпар жана Balance тиркемесинде QR сканерлөө;
— Тулпар тиркемесинде транспорттук кодду киргизүү менен.
Муниципалдык автобустарда мыйзам бузуулар аныкталууда. Бул тууралуу мэриядан билдиришти. Маалыматка ылайык, борбор калаада муниципалдык автобустарда …
Өзбекстандын Кашкадарыя облусундагы Мубарек районунда жүргүнчү ташыган автобуста газ баллон жарылып, төрт киши жаракат алды. …
Бишкекке кезектеги 58 жаңы автобус келди. Муниципалитеттен билдиришкендей, автобустар Кытайдын «Golden Dragon» заводунан Европа реконструкция …
Үстүбүздөгү жылдын аягына чейин дагы 624 автобус алынып келинет. Бул тууралуу Бишкек мэриясынын маалымат кызматы …
Бишкекте бүгүндөн тарта Кытайдан алып келинген жаңы автобустар каттамга чыга баштады. Бул туурасында мэриянын маалымат …
20-августтан тарта Бишкек шаарынын муниципалдык автобустарында жана троллейбустарында накталай эмес төлөмдөр гана иштеп жатат. Бул …
