Кыргызстандык балбан Асан Жанышов грек-рим күрөшү боюнча Испанияда өтүп жаткан дүйнөлүк чемпионаттын финалына чыкты. Мелдешке 20 жашка чейинки спортчулар катышууда.
Чемпионат 2-сентябрда Испаниянын Понтеведра шаарында башталган.
Жанышов 87 кг салмакта күч сынашууда. Ал грузиялык, швециялык, румыниялык балбандарды утуп финалга чыкты.
Бүгүн, 3-сентябрда Жанышов алтын медаль үчүн азербайжандык Жожу Самадов менен күрөшөт. Беттеш Бишкек убактысы боюнча саат 22:00дө өтөт.
Өмүр Ынтымак уулу 130 кг салмакта көңүл жубатуучу беттешке чыгат. Барсбек Асанкожоев, Эмирлан Дуйшөналиев, Нурел Дүйшөнбеков атаандаштарына жеңилип мелдештерди аякташты.