Жогорку Кеңештин депутаттары башкы прокуратуранын бир жылдык ишин кандай баалайт? Анын кайсы жагында алгылыктуу иштер аткарылып, кайсыл жагынан аксап жаткандыгы туураалуу суроону эл өкүлдөрүнө узаттык. Жообун төмөнкү жактан көрүңүз:
Эске салсак, 12-апрелде Жогорку Кеңештин жыйынында өткөн жылдагы өлкөдөгү мыйзамдуулуктун абалы жана аны чыңдоо боюнча прокуратура органдары тарабынан аткарылган иштер тууралуу Башкы прокурордун отчету каралды.
Талкуу маалында депутат Миргүл Темирбаева Кыргызстан соттолгон жарандарды экстрадициялоо жаатында канча өлкө менен келишим түзгөнүнө кызыгып: “Россия менен түзүлгөн экстрадициялоо боюнча келишимдин алкагында канча жаран республикага кайтарылды?” – деп сурады.
Өз кезегинде Башкы прокурор Кытай, Иран, Түркия, Бириккен Араб Эмираттары, Түштүк Корея жана КМШнын бир катар өлкөлөрү менен андай келишимдер бар экенин маалымдап, 2022-жылы Кыргызстандын 33 жараны, 2023-жылы 15 жаран экстрадицияланып, дагы 25 жаран боюнча маселе каралып жатканын кошумчалады
Депутат Гуля Кожокулова Башкы прокурордун жеке көзөмөлүндө турган кылмыш иштери боюнча маселеге токтолуп: “Прокуратуранын 1000 кызматкери дисциплинардык жоопкерчиликке тартылды. Бул эмнени билдирет?”, — деди.
Ал эми Курманкул Зулушев Башкы прокуратуранын Тергөө башкармалыгында каралып жаткан бардык кылмыш иштери жеке көзөмөлүндө экенин айтып, кызматкерлердин жоопкерчиликке тартылышын коюлган талаптардын күчөтүлгөндүгүнө байланыштырды.
Андан тышкары, депутат Талайбек Масабиров “Красная гвоздика” балдар лагеринин иши боюнча маселени көтөрүп, Башкы прокурорду аталган жагдайга көңүл бурууга чакырды.
Депутат Гүлшаркан Култаева жер-укуктук мамилелер тармагындагы маселелерди, тактап айтканда, Таш-Көмүр шаары менен Аксы районунун ортосундагы 10 гектардын тегерегиндеги жер талаштары тууралуу сөз кылды.
Ошондой эле депутат Камила Талиева Башкы прокурордун калк менен аймактарда өткөргөн жолугушуусу жакшы тажрыйба экенин баса белгилеп, мындан ары дагы ушундай өнөктүктү улантууну сунуштады.
Депутат Надира Нарматова болсо Башкы прокуратура жарандардын ар бир кайрылуусун кароосуз калтырбай, кылдат карап чыгышы керектигин белгиледи.
Талкуунун жыйынтыгында Жогорку Кеңеш Башкы прокурорунун отчетун канааттандырарлык деп тапты.
Башкы прокуратура «Туризмди өнүктүрүү фонду» ишканасына козголгон кылмыш иши тууралуу 4-майда маалымат берди. Башкы прокурордун …
Депутат Жаныбек Абиров жөнөкөй жаранды сабап койгондон кийин, коомчулукта мындай жорукту эл өкүлдөрү кылбашы керек …
Кыргыз Республикасынын Башкы прокуратурасына Бишкек шаардык ички иштер Башкармалыгынан кылмыш иштин ичинен Кыргыз Республикасынын Жогорку Кеңешинин депутаты Ж.Абировдун …
Жогорку Кеңештин депутаттары ушул жыл ичинде кандай иштерди аткарууну болжогонун айтып беришти. Толугу менен төмөнкү …
Өлкө синоптиктеринин божомолунда 11-январдан тарта Кыргызстандын аймагында аба ырайы кескин төмөндөп, тоолуу аймактарында минус -38 …
Акыркы учурда «саясий маданияттуулук», «кесиптик этика», «интеллектуалдык сабаттуулук» деген түшүнүктөрдүн жоголуп бара жаткандыгын жогорку бийлик …
