Бугүн, 27-январь саат 21:45те Кыргызстандын Улуттук коопсуздук мамлекеттик комитетинин чек ара боюнча биринчи орун басары Уларбек Шаршеев менен Тажикстандын Улуттук коопсуздук мамлекеттик комитетинин өкүлү Раджабали Рахмонали телефон аркылуу сүйлөштү. Бул тууралуу Чек ара кызматынын басма сөз кызматы билдирди.
Тараптар ок атышууну токтотууну сүйлөшүшкөн. Бирок саат 22:30га карата тажик аскер кызматкерлери ички аскерлердин позицияларын мезгил-мезгили менен аткылоону улантып жатат.
Алдыда Кыргызстандын Баткен облусу менен Тажикстандын Согди облусунун губернаторлорунун жолугушуусу күтүлүүдө.
