Баткен районунун Алты-Адыр айылынын 90 жаштагы тургуну Ташбүбү Абилованын үйү тонолгон. Бул тууралуу Баткен облустук ички иштер башкармалыгынын басма сөз кызматы маалымдады.
Маалыматка ылайык, 20-августта Т. Абилова майыптуулугу бар кызы менен ооруканага кеткен. Үйдүн терезелери ачык калган. Үйгө кирген уурулар эмеректерди, казан, ашкана мешин, жана 2 миң сомун уурдап кетишкен.
90 жаштагы Т.Абилова майыптуулугу бар кызы менен жаңы үйгө жакында эле көчүп кирген.
Ууруларды издөө жүрүп жатат.