Баткенде «Баяман баатыр» базарындагы өрт өчүрүлдү. Бул тууралуу ӨКМ кабарлады.
Алдын ала маалымат боюнча, Кадамжай районунун И. Полотхан айылында жайгашкан “Баяман баатыр” базарында өрт чыккандыгы тууралуу саат 4:29да маалымат түшкөн. Жеринде жалпы 4 күжүрмөн эсепте 20 өрт өчүрүүчү кызматкерлер иш алып барып, саат 5:36да чектөөгө алынган тилсиз жоо саат 6:54тө толугу менен өчүрүлдү.
Учурда өрттүн чыгуу себеби жана материалдык чыгымдар такталууда.
Кошумча маалымат берилет.
