Баткен облусунда борбордук базардан өрт чыкты. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, Кызыл-Кыя шаарынын Асаналиев көчөсүндө жайгашкан борбордук базарында өрт чыккандыгы тууралуу маалымат түшкөн.
Өрттү өчүрүүгө ӨКМден жалпы 5 өрт өчүрүүчү бөлүм жана18 куткаруучу тартылган. Өрт саат 05:35те толук өчүрүлгөн. Өрттүн кесепетинен болжол менен 2500 чарчы метр аянты күйгөн, жабыркагандар жок.