Баткен облусунда район, шаар аралык коомдук транспорттордун иштөөсүнө уруксат берилди. Мындай чечим облустук штабдын отурумунда кабыл алынган.
Маалыматка ылайык, айдоочулар жана жүргүнчүлөр бардык санитардык-эпидемиологиялык эрежелерди жана талаптарды так сакташы керек.
«Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду байма-бай дезинфекциялоо, алардын ишине такай рейддерди жүргүзүп туруу тапшырмалары коюлду»,-деп айтылат маалыматта.