Баткен облусунун аймагында жер титирөө катталды. Бул тууралуу Өзгөчө кырдаалдар министрлигинин маалымат кызматы кабарлады.
Сейсмология институтунун маалыматына ылайык, жер титирөө 22-декабрда саат 11:46да облус аймагында катталып, очогунда күчү 3 баллга жеткен.
«Жер титирөө Баткен районунун Кыштут айылында 2,5 балл, Тунук-Суу, Кан, Сай жана Тескей айылдарында 2 баллга чейин сезилди»,-деп айтылат маалыматта.
Жер титирөөдөн жабыркагандар жана кыйроолор катталган жок.