Саламаттыкты сактоо министри кызматынан убактылуу четтетилген Алымкадыр Бейшеналиевдин үй камагындагы мөөнөтү узартылды. Бул тууралуу анын жактоочусу Кайсын Абакиров билдирди.
Маалыматка ылайык, 28-июнда Бишкектин Биринчи Май райондук соту Бейшеналиевдин үй камагындагы мөөнөтүн 18-августка чейин узартты.
Башкы прокуратура Алымкадыр Бейшеналиевге Кылмыш-жаза кодексинин “Коррупция” беренеси менен иш козгоп, 2-июнда кармаган. Ал 16-июнда үй камагына чыккан.