Бүгүн, 20-ноябрдагы Жогорку Кеңештин жыйынында «Кыргыз Республикасынын Жалал-Абад, Нарын, Талас, Чүй жана Ысык-Көл облустарынын айрым айыл аймактарын жана айылдарын кайра атоо жөнүндө» мыйзам долбоору биринчи окууда каралып, кабыл алынды.
Демилгечи – Министрлер кабинетинин төрагасы.
Аталган мыйзам долбоору тууралуу Министрлер кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин директору Кудайберген Базарбаев маалымат берди.
Анын айтымында, мыйзам долбоору Кыргыз Республикасынын Жалал-Абад облусунун Аксы районунун Ак-Жол айыл аймагынын Таштак айылын Малкалды, Ноокен районунун Э. Алиев айыл аймагынын Параканда айылын Баракелде, Нарын облусунун Кочкор районунун Ормон-Хан айыл аймагынын Большевик айылын Баялы Исакеев, Талас облусунун Бакай-Ата районунун Акназаров айыл аймагынын Ынтымак айылын Шадыкан, Манас районунун Кыргызстан айыл аймагынын Новодонецк айылын Айтматов, Талас районунун Беш-Таш айыл аймагынын Козучак айылын Жанкороз Олуя, Беш-Таш айыл аймагынын Балбал айылын Жаныбек Баатыр, Чүй облусунун Москва районунун Ак-Суу айыл аймагынын Чоң-Арык айылын Сыйдалы, Ысык-Көл облусунун Ак-Суу районунун Кыдыр Аке айыл аймагынын Теплоключенка айылын Ак-Суу айылы деп кайра атоо максатында иштелип чыккан.
Муну менен катар, «Кыргыз Республикасынын Баткен жана Чүй облустарынын айрым калктуу конуштарын айыл категориясына киргизүү жөнүндө» мыйзам долбоору биринчи окууда колдоо тапты.
Аталган мыйзам долбоору Кыргыз Республикасын Баткен облусунун Лейлек районунун Жаңы-Жер айыл аймагынын Жаштык, Тогуз-Булак айыл аймагынын Бозогул, Чуй облусунун Аламүдүн районунун Байтик-Баатыр айыл аймагынын Иманалы Айдарбеков, Ысык-Ата районунун Жээк айыл аймагынын Боз-Бармак калктуу конуштарын айыл категориясына киргизүү максатында иштелип чыккан.
Жогорку Кеңештин имараты курчоого алынып, кызматкерлери эвакуацияланды. Маалыматтарга ылайык, бомба тууралуу билдирүүдөн кийин имаратта текшерүү …
Жогорку Кеңеш мамлекеттик гимнди өзгөртүү боюнча комиссиянын иш мөөнөтүн узартуу маселесин күн тартибинен алып салды. …
Бүгүн Жогорку Кеңештин жыйынында «Баатыр эне» ордени менен сыйланган энелердин балдарына мамлекеттик билим берүүдөгү жеңилдиктерди …
Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин Регламенти боюнча комитет «Шайлоо …
Кыргызстанда бир нече жыл мурун бөгөттөлгөн ТикТоктун иштөөсүн кайра жандантуу маселеси эми Жогорку Кеңеште да …
Төрага Марлен Маматалиев Жогорку Кеңеште жарандарды кабыл алуу максатында жасалып жаткан коомдук кабылдама менен таанышты. …
