«Манас» эл аралык аэропортунда «Улан-Батор-Бишкек-Улан-Батор» (Монголия) багыты боюнча биринчи үзгүлтүксүз каттам салтанаттуу түрдө тосуп алынды. Бул тууралуу аталган аба майдандын басма сөз кызматы кабарлады.
Маалыматка ылайык, Улан-Батордон Бишкекке биринчи каттам менен 95 жүргүнчү келип, 66 адам учуп кетти.
Белгилей кетсек, Монголиянын Hunnu Air авиакомпаниясы жумасына бир жолу Улан-Батор — Бишкек — Улан-Батор багыты боюнча учат. Болжолдуу учуу убактысы 3 саат 40 мүнөттү түзөт.
