Бишкекте эл ташыган автобус жол кырсыгына кабылып, жабыркагандардын саны 21 болду. Бул тууралуу Саламаттык сактоо министрлигинен билдиришти.
Маалыматта айтылгандай, балдар ооруканасына тогуз бала түшкөн. Ал эми №4 шаардык ооруканага 12 жабырлануучу түшүп, алардын төртөө травматология бөлүмүнө жаткарылган.
«Абалдары канааттандырарлык. Ошондой эле экөө орто оор абалда реанимацияда жатат. Калгандары үйлөрүнө кое берилген», — деп айтылат кабарда.
