Бишкектин борборунда көп кабаттуу үйдүн 12-кабатынан Индиянын жараны кулап түштү. Күбөлөрдүн айтымында, эркек киши бүгүн, 14-январда түшкө маал 12-кабаттан боюн таштаган.
Свердлов райондук ички иштер башкармалыгынан билдиришкендей, саат 12.30да Ибраимов көчөсүндө белгисиз адамдын сөөгү жаткандыгы тууралуу билдирүү келип түшкөн.
Окуя болгон жерге барган тергөө-ыкчам тобу зомбулук менен өлүмдүн сырткы белгилери жок жансыз денени табышкан. Ал индус тектүү 1962-жылы туулган Кыргызстандын жараны экени аныкталган.
