Бишкек.18.12.2018.Govori.TV
17-декабрда Бишкек шаарында жүргүнчүлөрдү ташыган кичи автобус оодарылып кетти. Алгач №166 кичи автобус менен «Мазда» үлгүсүндөгү унаа кагышкан.
Бишкек ШИИБдин жол кыймылынын коопсуздугун камсыздоо бөлүмүнүн билдирүүсү боюнча, жеңил унаа менен сүзүшкөндөн кийин оодарылган кичи автобустун ичиндеги жүргүнчүлөр — өспүрүм кыз менен аял киши жаракат алды. Алар ооруканага жеткирилген.
Унаалар айып аянтчага токтотулуп, тактоо, териштирүү иштери жүрүүдө.
