Бишкек шаарында көп кабаттуу үйдөн өрт чыгып, 3 жаран куткарылды. Бул тууралуу ӨКМ кабарлады.
Маалыматка ылайык, бүгүн Ленин районуна караштуу, Москва көчөсүндө жайгашкан көп кабаттуу үйдүн батиринен өрт чыккандыгы тууралуу маалымат түшкөн. Тилсиз жоо саат 14:46да толук өчүрүлгөн.
«Өрт өчүрүүчүлөр тарабынан 26 жаштагы аял 3 айлык наристеси менен жана 74 жаштагы аял киши куткарылды. Ошондой эле 40 жаран эвакуацияланды. Жалпы 5 кабаттуу турак үйдүн 3-кабатында жайгашкан батирдин 20 чарчы метр бөлмөсү күйгөн»,-деп айтылат маалыматта.
Учурда өрттүн келип чыгуу себеби жана толук материалдык чыгым такталууда.