Бишкек шаарындагы мектептер жана бала бакчалар жабылбайт. Бул тууралуу мэриянын билим берүү башкармалыгынын жетекчиси Эльмира Иманалиева билдирди.
Маалыматка караганда, окуучулар 12-13-апрель күндөрү гана онлайн режиминде окушат. Себеби бул күндөрү шайлоодон кийин мектептерде дезинфекциялоо иштери жүргүзүлөт. Ал эми шайлоо участкалары катары иштеген бала бакчалар 8-апрелден 14-апрелге чейин жабык болот.
Эске салсак, буга чейин мэрия борбор калаадагы бала бакчалар кайрадан жабылып, мектептер аралыктан окууга өтө турганын билдирген.