Бишкекте жалбырак өрттөгөндөргө айып салынды. Бул тууралуу мэриянын басма сөз кызматы билдирди.
Маалыматка ылайык, жалбырак өрттөгөндүгү үчүн Чүй облустук ооруканасына айыппул салынды. Ошондой эле шаар тургуну 7 миң 500 сом төлөп берүүгө милдеттендирилди.
Эскерте кетсек, кургак чөп өрттөгөндө оор химиялык заттар бөлүнүп, адам организмине, айлана-чөйрөгө коркунуч жаратат. Мыйзам бузгандарга 7 миң 500 сомдон 23 миң сомго чейин административдик айып каралган.
