Бишкек.17.01.2019. Govori.TV.
Бишкек шаарында уюштурулган митингдин катышуучулары аянтты бошотуудан баш тартышып, бийлик өкүлдөрү жана Жогорку Кеңештин депутаттарынан жолугушууга чыгууну талап кылышты.
Алар Ак үйгө барууга аракет кылышкан. Бирок милиция кызматкерлери чогулгандардын ичинен 4 адамды, митингдин модератору Аманбол Бабакуловду (жалпы 5 адам) гана өткөрүүгө уруксат беришти.
Белгилей кетсек, борбордук аянтка Биринчи май районунун акими, Тышкы иштер министрлигиндеги консулдук департаменттин мүдүрү Алмаз Имангазиев, Миграция кызматынын өкүлү келишкен. Ал эми коомдук тартипти милиция кызматкерлери көзөмөлгө алууда.
