Бишкекте жаңы муниципалдык автобустарга ылдамдыкты чектөө программасы орнотула турганын мэрия билдирди.
Маалыматка ылайык, эми шаардагы автобустардын ылдамдыгы саатына 60 чакырымдан ашпайт.
«Жаңы программа ылдамдыкты гана чектебестен, катуу токтотууну, GPS-трекерин мыйзамсыз өчүрүүнү жана айдоочулардын айдоо ыкмасын көзөмөлдөөгө мүмкүндүк берет», — деп айтылат маалыматта.
Мындай чара жол кырсыктарын алдын алуу жана айдоочуларды жол эрежелерин сактоого мажбурлоо максатында кабыл алынууда.
