Борбор калаада 16-августта саат 15:00 чамасында «Мега Комфорт»соода борборунун жанындагы аллеялардын биринде токтоп турган BYD маркасындагы электромобил күйүп кетти.
Окуя болгон жерге ӨКМдин бир өрт өчүрүүчү кызматы келген. Ыкчам аракеттерге карабастан, өрт көптөн бери локализацияланган эмес.
Өрттү өчүрүш үчүн куткаруучулар унааны капталына оодарууга аргасыз болушкан. Ошондон кийин өрт толугу менен өчүрүлдү.