Вице-премьер-министрдин алмашуусу чек ара маселесине таасирин тийгизет. Бул тууралуу Жогорку Кеңештин депутаты Кенжебек Бокоев билдирди.
Анын айтымында, мурунку вице-премьер-министр Жеңиш Разаков иштей албагандыктан кетти.
«Буга чейин Өкмөт башчы Мухаммедкалый Абылгазиев жаңы вице-премьер-министр Эркин Асрандиевге каржы-экономикалык маселелер толугу менен жүктөлө турганын билдирип, Разаков чек ара маселесин чече турганын баса белгилеген. Демек, азыркы келген талапкер дагы чек арага жооптуу болот. Коомчулукта Разаковдун дарегине карата көптөгөн сын-пикирлер айтылып келген андыктан мурун эле кетсе болмок»,-деди Бокоев.