Бириккен Улуттар Уюмунун (БУУ) Адам укуктары боюнча жогорку комиссары Фолькер Тюрк 13-15-март күндөрү Өзбекстанга барат.
Мамлекеттик «УзА» агенттигинин маалыматына караганда, сапардын алкагында БУУнун өкүлү Өзбекстандын Адам укуктары боюнча улуттук борборунун, Жогорку сотунун, Башкы прокуратурасынын жана Ички иштер министрлигинин жетекчилери, ошондой эле Олий Мажлистин Адам укуктары боюнча ыйгарым укуктуу өкүлү менен жолугат.
Мындан тышкары Фолькер Тюрк Каракалпакстанга да барат деп күтүлүүдө.
Февралдын аягында Өзбекстанга барган АКШнын мамлекеттик катчысы Энтони Блинкен Каракалпакстан окуяларында күч органдары адам укуктарын бузганы айтылып жаткан билдирүүлөр боюнча толук жана ачык иликтөө зарыл экенин белгилеген.
Былтыр 1-2-июлда Каракалпакстандын борбору Нукус шаарында жергиликтүү тургундар Өзбекстандын Конституциясынан бул жумурияттын суверендүүлүгү тууралуу беренени алып салуу сунушуна каршы чыгышкан. Митингдер күч менен басылып, кан төгүлгөн. Өзбек бийлиги 21 адам каза болуп, 243 адам жараат алганын жана 500дөн ашуун киши кармалганын билдирген.
Буга чейин Өзбекстанга БУУнун Адам укуктары боюнча жогорку комиссары 2017-жылы май айында барган. Анда бул кызматта Зейд Раад аль-Хусейн иштеп жаткан.
Фолькер Тюрк БУУнун Адам укуктары боюнча жогорку комиссары болуп 2022-жылы октябрда дайындалган.
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
5-апрелде КР Тышкы иштер министринин биринчи орун басары Асеин Исаев Бириккен Улуттар Уюмунун Качкындар боюнча …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
Өзбекстандын Гүлистан шаардык соту балдарын батирге алмаштырууга аракет кылган аял менен эркектин ишин карады. Бул …
«Узгидромет» 26-30-март күндөрдүн аралыгында күтүлүп жаткан катуу жаан-чачындан улам өлкөнүн тоолуу райондорун суу каптап, сел …
