Атлантика океанында чөккөн Титаник кемесинин урандыларына туристтерди ташыган суу астындагы кеме дүйшөмбү күнү байланышка чыгууну токтотту.
Суу астындагы кемеге ээлик кылган Oceangate Expeditions компаниясы АКШ менен Канадада издөө иштерин баштады. Бортто туристтер болгон-болбогону жана алардын саны тактала элек.
Жеке экскурсиялар үчүн «Титан» аттуу чакан суу астындагы кайык колдонулат. Ал беш кишиге ылайыкталган: капитан, окумуштуу-гид жана үч туристти батырат. Адатта, экспедициялар сегиз күнгө созулат. “Титаниктин” кыйраган жерине жеткен жүргүнчүлөр суу астындагы кемеге отуруп, чөгүп кеткен лайнерди кыдырып чыгышат. Сууга түшүүнүн өзү болжол менен сегиз саатка созулат. Турдун баасы 250 миң долларга чейин жетет.
Oceangate Expeditions компаниясынын маалыматы боюнча суу астындагы кеме кырсыкка учураганда борттогу жашоону 96 саат бою колдогон система бар.
“Титаник” Канаданын Ньюфаундленд аралынан 600 чакырым алыстыкта, Атлантика океанынын түбүндө 3800 метр тереңдикте жайгашкан.
Трансатлантикалык “Титаник” – өз учурунун эң чоң жана эң кымбат жүргүнчү кемеси болгон. 1912-жылы Саутгемптондон Нью-Йоркко баратканда айсбергге урунуп, кыйраган. “Титаниктин” бортунда 2200 жүргүнчү жана экипаж мүчөлөрү болгон. Алардын 1500дөн ашыгы өлгөн. Кеменин калдыктары 1985-жылы табылган. Ошондон бери алар жигердүү изилденип, ошондой эле туристтерди тартууда.
Караколдо 2 жана 5 жаштагы кыз дайынсыз болууда. Бул тууралуу ӨКМ кабарлады. Маалыматка ылайык, 6-июлда …
«Титаник» кемесин изилдөөгө Атлантика океанынын түпкүрүнө түшкөн «Титан» субмаринасынын (суу алдында сүзүүчү кеме) экипажы толугу …
Баткенде 30 жаштагы жаранды издөөгө куткаруучулар менен кошо жергиликтүү тургундао кошо тартылды. Бул тууралуу ӨКМ …
Кыргызстандын президенти Садыр Жапаров, Казакстандын президенти Касым-Жомарт Токаев жана Өзбекстандын президенти Шавкат Мирзиёевдин кемеге түшүп, …
Нарында 56 жаштагы киши 24-февралда үйүнөн чыгып кеткен бойдон дайынсыз болуп изделүүдө. Бул тууралуу Өзгөчө …
Казакстандагы баш аламандык учурунда кармалган «Дикий Арман» каймана аты менен таанылган кримтөбөл Арман Жумагелдиев абактан …
