Бишкек – Торугарт унаа жолунун 45-чакырымында жеңил унаа менен жүк ташыган кичи автобус кагышты. Бул тууралуу Чүй облусунун Жол кыймылынын коопсуздугун камсыздоо боюнча башкармалыгынан билдиришти.
Маалыматка ылайык, кырсык кечээ, 5-мартта болжол менен 22:30дар чамасында катталган. Анда «Мерседес Спринтер» унаасы чыгыштан батыш тарапка бара жаткан жолдо «Тойота Эстима» унаасы менен кагышкан.
Кырсыктын кесепетинен 1969-жылы жана 1995-жылы туулган айдоочулар жаракат алган.
Аталган факт Кылмыштардын жана жоруктардын бирдиктүү реестрине катталып, тиешелүү экспертизалар дайындалып, сотко чейинки өндүрүш иши башталган.