Чүйдө балдар үйүнүн тарбиялануучулары 5 күндөн кийин аман-эсен табылды. Бул тууралуу Чүй ОИИББинин маалымат кызматынан билдиришти.
Маалыматка караганда, балдар үйүнүн директору укук коргоочуларга кайрылган. Окуя 20-июнга караган түнү саат 02:00 чамасында болгон. Бул түнү 3 окуучу — 2004-жылы төрөлгөн С.Ж., 2006-жылы төрөлгөн Н.В. жана 2009-жылы туулган А.Э. качып чыгышкан. Бул факт Кылмыштар жана жоруктардын бирдиктүү реестрине катталды.
Издөө иштеринин жүрүшүндө, балдар 25-июнга караган түнү Бишкек шаарынан табылып, интернаттын өкүлдөрүнө өткөрүп берилди.