Жаңы окуу жылынын башында Чүй облусундагы коомдук транспорттор балдарды бекер ташыйт. Бул тууралуу Чүй ОИИБинин жол кыймылынын коопсуздугун көзөмөлдөө башкармалыгынан билдиришти.
Маалыматка ылайык, облуста 1-сентябрдан тарта 1-класска барган окуучулар мектепке барып билим алышат. Алардын коопсуздугун камсыздоо үчүн “Көңүл бургула, балдар!” аттуу иш-чара уюштурулат.
«1-сентябрдан 15-сентябрга чейин коомдук унаалар окуучуларды бекер ташыйт. Айдоочулардан унаага окуучуларды жана башка жүргүнчүлөрдү да аралыкты сактоо менен отургузуу талап кылынат»,-деп айтылат маалыматта.