Чүй облусунун Аламүдүн районундагы Таш-Дөбө айылында бүгүн, 6-февралда турак үйдүн жанында сарайда жана ага катарлаш мончодо өрт чыккан.
ӨКМдин маалыматына ылайык, өрттө сарай менен мончо толугу менен күйүп кеткен.
Өрттү өчүрүүгө Ленин райондук №28 ӨКБдан 1 бөлүм, Биринчи Май райондук №4 ӨКБдан 1 бөлүм, жалпы эки күжүрмөн эсеп тартылып, өртү турак үйгө өткөрбөй сактап калышкан.
Тилсиз жоонун болжолдуу көлөмү 100 чарчы метрди түздү. Өрттүн себеби такталууда, жабыркагандар жок.