Чүй облусунда 17-майдын кечинде нөшөр жаандан кийин үйлөрдүн короосун жана жолдорду суу каптады.
Маалыматка ылайык, Аламүдүн районунун Таш-Дөбө айыл аймагынын Бер-Булак айылында арыктардан ашкан суу 30 үйдүн короосун жана жолдорду каптаган. Ошондой эле Москва районунун Ак-Суу айыл аймагында арыктан ашкан суу жолду каптаган.
«Адамдар жабыркаган учур катталган жок. Куткаруучулар тазалоо иштерин түнү менен жүргүзүштү»,-деп айтылат маалыматта.