Бүгүн, 10-майда Баткен облустук бириккен ооруканасынан Бишкекке атайын борт менен кыргыз-тажик чек арасындагы ок атышууда жаракат алган 3 адам алынып келинди. Бул тууралуу Саламаттык сактоо министрлигинин басма сөз кызматынан билдиришти.
Маалыматка караганда, алар Улуттук госпиталга жаткырылды.
Жабыркаган М.С. уулу, 1994-жылы туулган. Кыр арка сөөгүнүн көкүрөк тушуна ок тийген. Ичине, жамбаш сөөк бөлүгүнө ок тийген. Анестезиология жана реанимация бөлүмүнө жаткырылган, абалы туруктуу оор деп бааланууда.
М.А. уулу, 1995-жылы туулган жана Ч.Т. уулу, 1994-жылы туулган көкүрөк тушуна ок тийген. Хирургия бөлүмүнө жаткырылган, абалдары салыштырмалуу канааттандырарлык деп бааланууда.
«Учурда саламаттык сактоо министринин орун басары Мадамин Каратаевдин, Миталип Мамытовдун жана башка адистердин катышуусунда консилиум өтүүдө. Жыйынтыгында бейтаптарды андан ары дарылоо тактикасы аныкталат»,-деп айтылат маалыматта.
Эске салсак, 8-майда Кыргыз-Тажик мамлекеттик чек арасында ок атышуу болуп, Мамлекеттик чек ара кызматынан абалды оор деп билдирген. Ал эми андан кийин, чырдан улам 3 аскер кызматкери жана бир тургун жаракат алганы маалымдалган. Анын эртеси Кыргыз өлкөсү чек арадагы чыр боюнча Тажикстанга каршылык билдирүү нотасын жөнөткөн. Нотага Тажикстан жооп берип, анда Кыргыз тарапка окуяга тиешелүүлөрдү аныктап, күнөөлүүлөрдү жоопко тартуу талабын койгон. Ушундай эле талапты Кыргыз тарап да Тажикстанга жөнөткөн нотада айткан.
Бүгүн, 18-апрелде айрым чек ара бекеттеринде өтүүгө убактылуу чектөө кирет. Бул тууралуу УКМКнын чек ара …
Кыргызстан менен Кытай чек арасындагы «Торугарт» менен «Эркеч-Там» бекеттери убактылуу жабылат. Бул тууралуу Чек ара …
Бишкек шаарында жана Чүй облусунда орун алган катуу шамалдын кесепетинен жабыркагандардын саны 24 адамды түздү. …
Бажы кызматынын төрагасынын мурдагы орун басары Райымбек Матраимовго Кылмыш-жаза кодексинин “Мамлекеттик чек арадан мыйзамсыз өтүү” …
Кыргызстан менен Кытайдын чектешкен аймагында жер титирөө катталды. КР Сейсмология институтунун маалыматына ылайык, жер титирөө …
2024-жылдын 4-мартынан 8-мартына чейин Ош шаарында Кыргыз Республикасынын жана Өзбекстан Республикасынын Өкмөттүк делегацияларынын жумушчу топторунун …
