Ысык-Көлдө чет элдик жаран сууга чөгүп кетти. Бул тууралуу ӨКМ билдирди.
Маалыматка ылайык, бүгүн, 2-сентябрда Каракол шаарына тиешелүү кол аймагында чет элдик жаран чөгүп кетти. Мындай маалымат 112 кызматына саат 12:45те түшүп, куткаруучулар чөгүп кеткен адамдын сөөгүн 13:20да алып чыгышкан.
Болжол менен 25-30 жаштагы Е.А. аттуу жигиттин сөөгүн алып чыгуу үчүн жерине Каракол шаардык 4 куткаруучу тартылып, ИИМ кызматкерлерине өткөрүп беришкен.