Чикагонун жака белиндеги Хайленд-Парк аймагында Американын Эгемендик күнүнө арналган парадга чыккандарга ок аткан шектүү камалды. Бул тууралуу чет элдик басылмалар жазды.
Маалыматка караганда, 20 чакты адам, анын ичинде балдар жараат алышкан. Ошондой эле 6 адамдын өмүрү кыйылды. Айрымдарынын абалы оор.
Эгемендик күнүнө арналган парад эртең мененки саат ондо башталып, он мүнөттөн кийин ок атыла баштаган. Хайленд-Парктын полиция жетекчиси Лу Жогмен журналисттерге билдиргендей, 22 жаштагы Роберт Кримо аттуу шектүүнү машине менен артынан кууп барып кармашкан.
