Чоң-Алай районунда жылытуучу мештен өрт чыгып, турак үй толугу менен күйүп кетти. Бул тууралуу ӨКМдин басма сөз кызматынан билдиришти.
Маалыматка ылайык, өрт 23-августта Ош облусуна караштуу Чоң-Алай районунун Кашка-Суу айыл аймагындагы Ачык-Суу айылындагы турак үйдөн чыккан. Өрттүн жалпы аянты 192 чарчы метрди түзүп, жанында жайгашкан №5 үйгө дагы өткөн.
Өрт жылытуучу мештер менен морлордун туура эмес түзүлүшүнөн келип чыккан. Жабыркагандар жок.