Чоң жыйырмалыктын саммитинин алкагында Балиде Польшадагы “ракеталык окуяга” арналган дүйнө лидерлеринин чукул жыйыны өттү. Ак үйдүн материалдарына ылайык, жолугушууга АКШ, Улуу Британия, Германия, Франция, Канада, ЕБ, Испания жана Япониянын лидерлери катышууда.
«Президент Байден дүйнө лидерлери менен чукул тегерек үстөл жыйынын өткөрүп жатат» деп айтылат АКШ президентинин администрациясынын басма сөз кызматы тараткан билдирүүдө.
15-ноябрда Польшанын аймагына эки ракета түшкөн. Украина менен чек арадан беш чакырым алыстыкта жайгашкан Люблин воеводствосунун Пржеводув айылынын аймагына ракеталар түшкөн. Бул тууралуу Польшанын ZET радиосу билдирди. Анын айтымында, ракеталар дан кургаткычка тийип, анын кесепетинен эки адам каза болгон. Окуяга байланыштуу бир катар эл аралык уюмдар чукул жыйындарды жана сүйлөшүүлөрдү жарыялашты, республиканын премьер-министри Матеуш Моравецки улуттук коопсуздук боюнча жыйын өткөрдү. Батыш өлкөлөрү ракетаны учурууга Орусияны катыштыгы бар деп эсептейт, Орусиянын Коргоо министрлиги бул маалыматты четке кагып, аны “атайылап жасалган чагым” деп атады.