“Чынар” базарында адашып жүргөн үч жашар кыз аман-эсен үйүнө жеткирилди. Бул тууралуу Кайгуул кызматынын басма сөз кызматы билдирди.
Маалыматка ылайык, 12-май күнү болжол менен саат 14:15те милицияга кичинекей кыз адашып жүрөт деген маалымат түшкөн.
Айтылган дарекке кайгуул кызматкерлери келип, кичинекей кызды кызматтык унаага салып, жашаган дарегин аныктап, ата-энесине сак-саламат жеткирип беришкен.