Кадамжайдагы Исфайрам дарыясына агып кеткен 10 жаштагы баланын жансыз денеси табылды. Бул тууралуу ӨКМ кабарлады.
Маалыматка ылайык, издөө иштеринин натыйжасында бүгүн, саат 15:00 чамасында изделип жаткан 10 жаштагы Т.А. аттуу баланын жансыз денеси табылды.
Эске салсак, 12-июль күнү Майдан айыл аймагына караштуу Кереге-Таш айылында 2012-жылы туулган Т.А. аттуу бала Исфайрам дарыясына түшүп кеткен. Жерине издөө иштерин жүргүзүүгө жалпы 12 куткаруучу тартылган. Издөө иштери кеч киргендигине байланыштуу убактылуу токтотулуп, бүгүн уланган.
