19-сентябрда Бишкекте өтө турган чуркоо марафонуна байланыштуу №5, 6, 10, 14 троллейбустук каттамдар да убактылуу токтотулат. Бул тууралуу шаар мэриясынан билдиришти.
Маалыматка ылайык, Масалиев көчөсүнүн түштүк тарабында жол кыймылы эртең мененки саат 8:00дөн 13:00гө чейин жабылат. Автобустар менен маршруткалар мурунку эле график менен Масалиев көчөсүнүн түндүк тарабы боюнча өтөт.
Белгилей кетсек, Бишкек шаарында 19-сентябрь күнү чуркоо марафону өтөт. Жарыш 3, 10 жана 21,1 чакырымга чуркоо, 3, 10 чакырымга жөө басуу боюнча болот.