КР министрлер кабинетинин төрагасы Акылбек Жапаров «Улуттук өнүгүү форуму-2023: «Жакырчылык жана теңсиздик» форумунун алкагында БУУнун Кыргызстандагы кеңсесинин туруктуу координатору Антье Граве менен жолугушуу өткөрдү. Бул тууралуу министрлер кабинетинен билдиришти.
Кыргызстан менен БУУ агенттиктеринин ортосундагы кызматташуу маселелери талкууланган жолугушууда министрлер кабинетинин төрагасы «БУУнун туруктуу өнүгүү максаттары биздин өлкөнүн мамлекеттик саясатынын негизи болуп саналат жана Кыргызстанды узак мөөнөттүү өнүктүрүүнүн Улуттук стратегиясына киргизилген» деп белгиледи.
Министрлер кабинетинин башчысы «БУУнун 2023-жылга жарыяланган туруктуу өнүгүү баяндамасына ылайык, Кыргызстан ТӨМдү ишке ашырууда олуттуу ийгиликке жетишип, БУУга мүчө 166 мамлекеттин ичинен 45-орунду ээлеген», — деди ал.
Тараптар ошондой эле борбор калаадагы абанын булганышы көйгөйүнө жана анын себептерине өзгөчө көңүл бурушту.
Бул багытта министрлер кабинети тарабынан экологиялык таза энергия булактарын ишке киргизүү, калктын электромобилдерге өтүүсүн өбөлгөлөө, ошондой эле коомдук транспорттун инфраструктурасын жакшыртуу боюнча активдүү чаралар жүргүзүлүп жаткандыгы айтылды.
Тараптар ошондой эле мамлекеттик кызматтарды санариптештирүү, креативдүү экономика чөйрөсүндө биргелешкен долбоорлорду ишке ашырууну талкуулашты жана тоо-кен тармагынын күн тартибине кеңири токтолушту.
«2022-жылдын декабрь айында Кыргызстандын демилгеси менен БУУ Башкы ассамблеясы резолюция кабыл алып, анда 2023-2027-жылдар «Тоолуу аймактарды өнүктүрүү боюнча беш жылдык иш-аракеттер» катары жарыяланган», — деди Акылбек Жапаров жана бул Глобалдык иш-аракеттер планын биргелешип ишке ашырууга активдүү катышууга чакырды.
Жыйынтыгында тараптар 2023-2027-жылдарга макулдашууларды жана алкактык келишимдердин артыкчылыктуу багыттары боюнча иш алып барууда мамлекеттик органдар менен БУУ түзүмдөрүнүн ортосундагы өнөктөштүктү жана натыйжалуу өз ара аракеттенүүнү бекемдөөгө умтуларын ырасташты.
Эртең, 12-мартта турак үйлөрдө, мектептерде, балдардын мектепке чейинки уюмдарында, саламаттык сактоо объекттеринде жана башка социалдык-тиричилик …
«Бишкек башкы архитектура» мекемеси борборубуздун жасалма интеллектин жардамы менен тартылган сүрөттөрүн жарыялады. «Биздин Бишкекти жасалма …
Президент Садыр Жапаровдун жарлыгына ылайык, Бишкек шаарынын мэри болуп экс-мэр Айбек Жунушалиев дайындалды. Мурдагы калаа …
Бишкектеги бала бакчада үч жашар баланы сабаган тарбиячы кылмыш иши козголду. Бул тууралуу Башкы прокуратурадан …
Бишкек шаарындагы Москва жана Абдрахманов (Моссовет) көчөлөрүнүн кесилишинде жайгашкан акча алмаштыруу жайларынын муниципалдык аймакка чыгып кеткен объектилери алынууда. Бул …
Эртең, 14-июнда Бишкектин айрым райондорунда суу өчүрүлөт. Бул тууралуу мэриядан билдиришти. Маалыматка ылайык, эртең саат …
