Учурда премьер-министр Мухаммедкалый Абылгазиев баштаган өкмөт мүчөлөрү парламентте 2019-жылдын отчетун берүүдө. Анда Жогорку Кеңештин депутаты Мирлан Жээнчороев өкмөттүн отчетуна Сингапур менен Малайзиянын премьер-министрлери суктанчудай болгонун айтып какшыктады.
«Сиздин докладыңыздан кийин Махатхир менен Ли Куан Ю суктана тургандай болуп калыптыр. Алар Кыргыз мамлекетине көчүп келебиз дешпесе болду», — деди Жээнчороев.
Ага Абылгазиев: «Тилегиңиз кабыл болсун!», — деп жооп берди.
Мындан тышкары, депутат Жээнчороев 2018-жылдан бери бюджеттин киреше булагына миллиарддаган сумма түшпөй калып жатканын айтып, өкмөттүн ишин сындады.