Бүгүн, 30-майда Жогорку Кеңештин Социалдык саясат боюнча комитетинин кезектеги отурумунда “Кыргыз Республикасынын Укук бузуулар жөнүндө кодексине өзгөртүүлөрдү киргизүү жөнүндөгү” мыйзам долбоору биринчи окууда каралып, жактырылды.
Белгилей кетсек, аталган мыйзам долбоору Жогорку Кеңештин депутаттары Аманкан Кенжебаев, Мирлан Самыйкожо жана Улан Бакасов тарабынан демилгеленген.
Жыйында баяндама жасаган демилгечи депутаттардын бири Мирлан Самыйкожо мыйзам долбоорунун негиздемесине токтолуп: “Педагогикалык кызматкерлерге карата сыйлабаган мамилени көрсөткөндүгү үчүн жоопкерчиликти киргизүүгө багытталган ушул мыйзам долбоору педагогикалык кызматкерлерге карата мазактоо, жаман сөз айтуу, адепсиз жүрүм-турум, кордоп тийишүү жана адепсиз жаңсоолорду, нерселерди көрсөтүү түрүндөгү мамиле үчүн жоопкерчиликти белгилөө максатында иштелип чыккан”, – деди.
Атап айтканда, мыйзам долбоорунда окуучу же ата-эне (мыйзамдуу өкүл) – билим берүү мамилелеринин катышуучусу тарабынан жасалган, педагогикалык кызматкердин кесиптик ишине тоскоолдук кылуу менен байланышкан, кылмыштын белгилерин камтыбаган, педагогикалык кызматкерге карата сыйлабастык мамиле (мазактоо, жаман сөздөр, адепсиз жаңсоолорду көрсөтүү ж.б.) 3000 сом (12 жаштан 16 жашка чейинки жашы жете элек адам тарабынан жасалган учурда 2000 сом) өлчөмүндө айып пул менен жазаланат, укук бузуу кайталанса 5000 сом өлчөмүндө айып пул же 3 суткадан 5 суткага чейинки мөөнөткө администрациялык камакка алуу (12 жаштан 16 жашка чейинки жашы жете элек адам тарабынан жасалса 4000 сом) менен жазаланат. Мындай санкциялар жашы жете элек окуучунун ата-энесинин бирине, же эгерде ал эрезеге жеткен болсо, окуучунун өзүнө, же ошого жараша тарбиялык мамилелердин катышуучусу болгон башка адамга колдонулат.
Талкуу маалында Аида Исатбек кызы мыйзам долбоорунун актуалдуулугун белгилеп: “Бирок долбоор боюнча Министрлер кабинети жана Жогорку Кеңештин тиешелүү экспертизалык бөлүмдөрүнүн корутундуларын да эске алуу керек” – деди.
Ал эми депутат Ырысбек Атажанов айыл пулдун өлчөмүн кайрадан карап чыгып, жогорулатуу зарылчылыгына токтолуп: “Билим берүү мугалимдин мойнунда болсо, балага тарбия берүү маселеси ата-эненин милдети экенин унутпашыбыз керек” – деп кошумчалады.
Андан тышкары, депутат Камила Талиева Сузак районунда мугалим менен окуучу ортосунда катталган жаңжал бүгүн эле пайда боло калбагандыгын билдирип: “Бул көптөн бери келе жаткан көйгөй. Билим берүү тармагына тиешелүү мыйзамдарда мугалимдин жоопкерчилиги гана каралып, ата-эненин жоопкерчилиги каралбай калган. Андыктан аталган маселеге көңүл буруп, мугалимдердин макамы корголушу керек. Айрыкча, а бир окуу классына видеокамераларды орнотуу максатка ылайык”, – деп белгиледи.
Ташкенттин Сергели районунда 1-класстын окуучуларынын колдоруна ийне сайганы аныкталган мугалим иштен алынды. Бул тууралуу Өзбекстандын …
Нарын шаарында окуучу кыздарга ыдык көрсөтүп келген деп айтылып жаткан адам муунуп каза болду. Нарын …
Жизак облусунун Замин районундагы мектептердин биринде иштеген мугалим 7-класстын окуучусун сабап салганы үчүн жумуштан бошотулду. …
2-апрелде Финляндиянын Вантаа шаарындагы мектепте ок атылып, үч окуучу жараат алды. Бул тууралуу Reuters агенттиги …
Ташкентте сот 12 жаштагы окуучуну зордуктоого аракет кылган деп айыпталган 67 жаштагы музыка мугалимине карата …
Ошто окуучу кызды директору сабады деп милицияга арыз түштү. Ош ШИИБден билдиришкендей, Ош шаарынын тургуну …
