Кыргызстандын жети облусунда көмүрдүн баасы кандай болушу керектигин Монополияга каршы жөнгө салуу мамлекеттик агенттиги аныктап чыгып, расмий сайтына жарыялады.
Ноябрь айында өкмөт өлкө аймагында кара алтындын баасын үч ай бою жөнгө салып туруучу токтомго кол койгон. Буга ылайык, Монополияга каршы жөнгө салуу агенттигине ар бир облустун райондорунда, Бишкек жана Ош шаарларында көмүрдүн сортуна карап чекене баанын чегин белгилөө тапшырмасы берилген.