Бүгүн, 9-ноябрда Чүй ОИИБ маалымат таратып, төкмө акын Болот Назаров ат уурдоого шектелип кармалганын билдиришти.
Ал эми Болот Назаровдун кесиптеши Олжобай Шакир өзүнүн соцтармактагы баракчасы аркылуу билдирүү жазды.
Анын айтымында, акын Болот Назаровдон 3 күндөн бери дайын жок.
«Ал азыр чыгармачылык командировкада жүргөндүктөн, мурдагыдай күнүгө келип-кетмейи жок. Чыгармачыл эркиндикте. Бирок телефон аркылуу да, тааныштар аркылуу да кабарын биле албай отурабыз. Тынчсызданып! Укканыбызга караганда: Бокени тойго чакырышат. Бирөөнү мактатып ырдатмай болушат… Бирок биздин көкжал акын андайга кежигеси тырышып, бирөөнү ашкере көкөлөтө ырдап ийчүүлөрдөн эмес. Андай өтүнүчтү уккан Бокебиз, «эч кимди мактап ырдабайм» дейт да, жолуна түшөт. Артынан бирөө чыгат. Узатып. Ошол узатып чыккан адам чыгармачыл чөйрөдөгү белгилүүлөрдөн. Болгондо да менин атбашылык инилеримдин бири. Бокени далыга таптап, тойго ырдап бер деп ээрчитип барган ошол дешет. Азырынча анын аты-жөнүн атабай турууну эп көрдүм. Оозуна талкан сугунгансып, үндөгүсү жок анын. Иштин чоо-жайын ошол «тилин жутуп алган» өнөрпоздон билсек дегенбиз…
Бирок Болот Назаров боюнча 3 күндөн бери кабар жок үчүн коомчулукка болгон иштин учугун чыгарып турганды оң көрдүк. Себеби, бири айтат: «Бокени Беловодский милийсасында камап коюшуптур». Бири айтат: «Бокени тойго чакырткандар алдына ат тартып мингизишет… Тата-пата» Анан эле ошол мингизген ат эртеси уурдалган жылкы болуп чыгат. Болгондо да аны Болот Назаров уурдап алган имиш!
Кыргызда илгертен өнөр адамынын алдына жылкы тартып, үстүнө чапан кийгизип сый көрсөткөн кыргыздын бул кандай «жаңы салты» болуп кетти экен деп баш катырып отургандагы кезибиз», — деп жазат ал.
Төкмө акын Болот Назаров Кыргыз улуттук «Манас» театрына жумушка кирди. Арызга театрдын директору Азиз Биймырза …
Массалык баш аламандык уюштурууга элди үндөгөн “Фейсбук” социалдык тармагынын колдонуучусу кармалды. Бул тууралуу УКМКнын маалымат …
Израилдеги согуштук аракеттер маалында кыргыз жарандары жабыр тартканы тууралуу маалымат түшкөн жок. Бул тууралуу Кыргыз …
Казакстан Республикасынын Батыш Казакстан облусунун Таскала районунун 90 жылдыгына арналган «Тамыры терең Таскала» аттуу Эл …
Өзгөчө кырдаалдар министрлиги сел коркунучуна байланыштуу чукул билдирүү таратты. Ведомствонун маалыматына караганда, 6-8-августта туруксуз аба …
Бүгүн, 3-майда Жогорку Кеңештин жыйынында депутаттар Акыйкатчы Атыр Абдрахматованы кызматтан алуу боюнча “Ата Журт Кыргызстан” …
