Эл аралык донорлор Кыргызстанга 12 жылдык билим берүү системасын таңуулап жатат деген маалыматтарды Билим берүү жана илим министри Догдуркул Кендирбаева бүгүн маалымат жыйында четке какты.
«Кыргызстандын билим берүү эгемендиги бар жана бизге эч ким өз оюн таңуулай албайт. Бирок биз БУУнун мүчөсү экендигибизди эске алуубуз керек. Балким кийинчерээк класстарды жабдуу үчүн гранттарды алышыбыз мүмкүн», – деди министр.