Бүгүн 10-октябрда 2026-жылдагы Дүйнө чемпионатынын тандоо раундунун алкагында өтүп жаткан Катар – Кыргызстан беттешинин биринчи бөлүгү аяктады. Эсеп 1:0, Катар алдыда.
Беттештин 39-мүнөтүндө эсеп ачылып, катарлык оюнчу А.Али гол киргизди.
Оюн Доханын “Аль-Тумама” стадионунда өтүп жатат.
Ал эми Бишкектеги Т.Усубалиев атындагы эски аянтта футбол күйөрмандары үчүн Катар жана Кыргызстан улуттук курама командаларынын беттешин көрүүгө фан-зона уюштурган. Күйөрмандар Акшумкарларды аралыктан да колдоого алышууда.
Кыргыз футболунун союзунан билдиришкендей, кыргыз курамасы 2026-жылкы Дүйнө Чемпионатынын тандап алуу оюндарынын үчүнчү айлампасында сапарын улантат.
