Эсептөө палатасы өлкөнүн агрардык секторун өнүктүрүү долбоорлоруна мамлекеттик инвестициялык программанын алкагында бөлүнгөн каражатты пайдалануунун натыйжалуулугуна аудит жүргүздү. Текшерүүнүн жүрүшүндө жалпысынан 105,2 млн сом натыйжасыз жана сарамжалсыз пайдаланылганы аныкталган.
Анын ичинде, «Мал чарбасын жана рынокту өнүктүрүү — 1» долбооруна каралган каражат максатсыз пайдаланылган.
Ошондой эле Ысык-Көл жана Нарын облустарындагы жайыттардын абалына мониторинг жүргүзүү жана баалоо үчүн 20 адис жана консультант тартылган. Бирок жайыттардын абалы, деградациясынын деңгээли жана аянты боюнча расмий маалыматтар жок. Бул адистердин жана консультанттардын эмгек акысы 15,9 миллион сомду түзгөн.
2017-жылдын 17-мартында Польшанын Ветеринардык палатасы менен боордоштук кызматташуу боюнча кол коюлган келишимге ылайык, Кыргызстандын Ветеринардык палатасы финансылык туруктуулук боюнча колдонмо түрүндөгү макулдашылган жыйынтыктоочу документти алган эмес. Бул кызматташтыкты ишке ашырууга 4,3 миллион сом жумшалган.
Мындан тышкары, долбоорду ишке ашыруу мезгилинде Ветеринардык палатанын операциялык чыгымдарына 10,4 млн сом каржыланган, ошол эле учурда Ветеринардык палата финансылык жактан туруктуу түзүм катары түзүлбөй, ошондой эле бул долбоорго салым кошо алган эмес. Долбоордун алкагында жалпы суммасы 6,1 млн сомго 4 даана транспорт каражаттары сатылып алынган.
Айыл чарба долбоорлорун ишке ашыруу башкармалыгынын жетекчилигинин функционалдык милдеттеринин кайталанышы жалпысынан 1,5 млн сомдук эмгек акы төлөө жагынан каражаттарды сарамжалсыз пайдаланууга алып келген.
«Рынокторго чыгууну камсыздоо» долбоорунун алкагында (2019-2021-жылдарга долбоорду ишке ашыруу) 2,8 млн сом өлчөмүндөгү каражаттар долбоордун максаттарына жетпестен пайдаланылган, анын ичинде 0,6 млн сомго негизсиз эмгек акы төлөнүп берилген.
«Улуттук суу ресурстарын башкаруу» долбооруна кошумча каржылоо (2020-2022-жылдарга долбоорду ишке ашыруу) боюнча 5,1 млн сом акча каражаты долбоордун максаттарына жетпестен пайдаланылган.
Транспорт жана коммуникациялар министрлигинде, анын ведомстволук бөлүмдөрүндө 1 млрд 251 млн 455,6 миң сомдук каржылык …
Президент Садыр Жапаров «Эсептөө палатасы жөнүндө» конституциялык мыйзамга кол койду. Бул тууралуу президенттин сайтында маалымдалат. …
“Кыргыз Республикасынын Эсептөө палатасы жөнүндө” Кыргыз Республикасынын конституциялык мыйзамынын долбоору Кыргыз Республикасынын Конституциясынын 108 жана …
Эсептөө палатасынын аудитору жана инспектору коррупция фактысы боюнча кармалды. Бул тууралуу УКМКнын басма сөз кызматы …
Кыргыз Республикасынын Конституциясынын 64-беренесинин 5-бөлүгүнүн 4-пунктунун жана «Кыргыз Республикасынын Эсептөө палатасы жөнүндө» Кыргыз Республикасынын мыйзамынын …
Эсептөө палатасынын аудитору болуп Алмаз Акматов дайындалды. Анын талапкерлиги президент тарабынан сунушталып, бүгүн Жогорку Кеңештин …
