Эсептөө палатасы «Учкун» ААКсында финансылык мыйзам бузууларды аныктады 

КР Эсептөө палатасы “Учкун” ачык акционердик коомунда 2 млн 809,4 миң сом каржы бузууларды аныктады. Анын ичинен эмгек акыны, командировкалык чыгымдарды, пособиелерди, компенсацияларды жана башка төлөмдөрдү төлөөгө байланышкан бузуулар — 1551,2 миң сомду түзөт.

Финансылык мыйзам бузуулар Эсептөө палатасынын 2023-жылдын иш планына ылайык 2020-2022-жылдар аралыгына карата “Учкун”ААКнын ишине шайкештик аудит жүргүзгөн учурда аныкталган.

Бош кызмат орундарын айкалыштыруу үчүн үстөктөрдү белгилөө маселелерин жөнгө салуучу ченем жок болгон учурда «Учкун» ААК кызматкерлердин бош кызмат ордун айкалыштыруу үчүн маянасына үстөк акы 1322,9 миң сом суммасында жана 228,3 миң сом суммасында Кыргыз Республикасынын Социалдык фондуна чегерүү негизсиз белгиленген, анын ичинен 2020-жылы 305,3 миң сом суммасында эмгек акы жана 52,7 миң сом суммасында КР Социалдык фондуна чегерүүлөр, 2021-жылы 534,3 миң сом суммасында жана 92,2 миң сом суммасында КР Социалдык фондуна чегерүүлөр эсептелген 2022-жылы 483,3 миң сом суммасында жана КР Социалдык фондуна чегерүүлөр 83,4 миң сом суммасында.

Тастыктоочу документтери жок товардык-материалдык баалуулуктарды жана мүлкттөрдү эсептен чыгаруу — 1007,1 миң сом.

Коомдун Эсеп саясатынын талаптары сакталбастан, отчет берүүчү адамдардан аванстык отчеттор кабыл алынган жана эсептен чыгарылган, атап айтканда:

• товардык-материалдык баалуулуктар жалпы 238,5 миң сом суммасында, анын ичинен 2020-жылы — 129,6 миң сом, 2021-жылы — 108,9 миң сом;
• автоунааларды оңдоо жана техникалык тейлөө чыгымдары жалпы 768,6 миң сом суммасында, анын ичинен 2020-жылы — 267,1 миң сом, 2021-жылы — 333,1 миң сом, 2022-жылы — 168,4 миң сом.

Бухгалтердик эсептин жана отчеттуулуктун тартибин башка бузуулары — 251,1 миң сом. Коомдун Эсеп саясатынын талаптары сакталбастан отчет берүүчү адамдардан аванстык отчеттор кабыл алынган жана эсептен чыгарылган, атап айтканда:

• өкүлчүлүк чыгымдары жалпы 230,9 миң сом суммасында, анын ичинен 2020-жылы — 47,2 миң сом, 2021-жылы — 139,2 миң сом, 2022-жылы — 44,5 миң сом;
• кызмат көрсөтүү чыгымдары жалпы 20,2 миң сом суммасында, анын ичинен 2021-жылы — 10,0 миң сом, 2022-жылы — 10,2 миң сом.

Подписаться:

Тема боюнча

Архитектура жана шаар курулуш тармагындагы абал: 377 мыйзам бузуу аныкталды

2020-2021-жылдар аралыгындагы коррупцияга каршы аракеттенүү, мамлекеттик сатып алуулар, мамлекеттик жарандык кызмат, лицензиялык-уруксат берүү тутуму, архитектура …

Кененирээк

Алматыда референдумдагы мыйзам бузуулар боюнча доо арыз канааттандырылган жок

27-июнда Алматы шаардык сотунун административдик иштер боюнча соттук коллегиясы “Көз карандысыз байкоочулар” коомдук бирикмесинин апелляциялык …

Кененирээк

Шайлоо-2021: Коррупцияга каршы ишкердик кеңешине бузуулар боюнча 80 кайрылуу түштү

Коррупцияга каршы ишкердик кеңешине шайлоо процессин бузуу жөнүндө 80 кайрылуу түштү. Бул тууралуу бүгүн, 17-ноябрда …

Кененирээк

ИИМ: Шайлоонун жол-жобосун бузган 128 факты катталды

Жогорку Кеңештин депутаттарын шайлоого даярдануу жана өткөрүү учурунда Ички иштер министрлиги жарандардын укуктарын жана эркиндиктерин …

Кененирээк

ИИМ: Белгиси бар беткапчандардын эч бир партияга тиешеси жок

Жашыл жана белгилери бар беткаптар тууралуу айтылган маалыматтар текшерилип бүттү. Бул тууралуу 11-апрелде брифингде ИИМдин тергөө башкармалыгынын …

Кененирээк

«Ошто шайлоо ыплас өтүп жатат». Мырзакматов Жапаровго кайрылуу жасады

Ош шаардык кеңешине депутаттарды шайлоо процесси ыплас мыйзам бузуулар менен өтүп жатат. Бул тууралуу «Улуттар …

Кененирээк