Көк бөрү оюнундагы улакчынын өлүмү боюнча иш козголуп, оюнчу менен калыс кармалды. Бул тууралуу Бишкек шаарынын Ленин РИИБдин Басма сөз кызматы билдирди.
12-мартта «Көк-бөрү» улуттук оюндар федерациясы уюштурган мелдеш учурунда, катышкан командалар ортосунда оюн өтүп, оюн башталганынан болжол менен 10–15 мүнөт өткөндөн кийин оюн эрежелеринин одоно бузулушу менен байланышкан кагылышуудан улам оюнчулардын бири аттан кулап, эс-учун жоготкон. Оюн дароо токтотулуп, окуя болгон жерге тез жардам бригадасы чакырылган.
Жабырлануучу, 1980-жылы туулган С.М., алган жаракаттарынан улам ооруканага бара жаткан жолдо көз жумган.
Бул факт боюнча Ленин РИИБдин Тергөө кызматы тарабынан Кыргыз Республикасынын Кылмыш-жаза кодексинин 130-беренесине ылайык кылмыш иши козголуп, тийиштүү экспертизалар дайындалды.
Тергөө иш-чараларынын жүрүшүндө шектүү, 1996-жылы туулган А.Ч., Кыргыз Республикасынын Кылмыш-жаза процессуалдык кодексинин 96-беренесине ылайык, Бишкек ШИИББнин убактылуу кармоочу жайына киргизилди.
Ошондой эле, Кыргыз Республикасынын Кылмыш-жаза процессуалдык кодексинин 96-беренесине ылайык, оюн учурунда калыстык кылган, 1983-жылы туулган Ш.У. да кармалып, Бишкек ШИИББнин убактылуу кармоочу жайына киргизилди.
Азыркы учун да тергөө иштери уланууда.
Баш калаанын Ленин РИИБинде 9-августта 2000-жылы туулган адамдын өлүмү катталган. Бул тууралуу ЖМКлар маалымдайт. Башкармалыктын …
Көк бөрү федерациясынын жалпы жамааты президент Садыр Жапаров менен УКМК төрагасы Камчыбек Ташиевге кайрылуу жолдоп, …
Дене тарбия жана спорт мамлекеттик агенттиги Жогорку Кеңештин депуттарынын көк бөрү оюну тууралуу айткандары боюнча …
Спорт департаменти көк бөрү боюнча «Нооруз-2025» республикалык турнирин өткөрүүнү токтотту. Бул тууралуу «Көк бөрү» федерациясы …
Бишкекте көк бөрү боюнча Нооруз турниринде Сокулук районунун “Бөрүлү” командасынын оюнчусу Мирлан Сражидинов каза болгондуктан …
ЖК депутаты Жанар Акаев соңку маалда окуучулардын өз өмүрүнө кол салуулары жана ур-токмоктон да каза …
