Таластын «Ынтымак» жана Оштун «Достук» командалары Бишкекте көк бөрү боюнча өтүп жаткан Нооруз-2024 республикалык мелдешинин финалына чыкты.
Маалым болгондой, финалдык беттеш 21-мартта өтөт.
Белгилей кетсек, «Ак кула» ат майданында Нооруз мелдешинин Жогорку лигасынын жарым финалдык оюндары бүгүн өттү. Анда “Сары-Өзөн” менен “Ынтымак” командасы кездешип, 5:1 эсебинде «Ынтымак» командасы жеңишке жетти.
Ал эми экинчи жарым финалдык оюнда “Достук” “Мурас” командасын 11:4 эсебинде утту.