Сары-Ой айылындагы Радуга пансионатынын жээгинде мушташкан видео соцтармактагы black_list.kg баракчасына жарыяланды.
Маалыматта айтылгандай, көл жээктеги жергиликтүү тургундар пансионаттын коопсуздук кызматы менен уруш болгон.
Ысык-Көл облусунун ички иштер башкармалыгынан окуянын чоо-жайы иликтенип жатканы кабарланды.
Алардын маалыматына ылайык, 29-июнь күнү саат 12:50 чамасында Ысык-Көл райондук ИИБнин нөөмөт бөлүмүнө Сары-Ой айылында жайгашкан «Радуга» пансионатынын пляжында мушташып жаткандыгы тууралуу телефон билдирүү түшкөн.
«Учурда милиция кызматкерлери окуя болгон жерге барышкан, чырдын себептерин жана жагдайларын аныктоо боюнча тиешелүү ыкчам-иликтөө иш-чараларын жүргүзүп жатышат. Мындан тышкары, мушташка катышкан адамдарды аныктоо иштери жүрүп жатат», — деп айтылат маалыматта.